|
|
|
|
Yasa 15 Fasl-i der beyan-i rüsum-i mekatib ve kuzat ve sicillat "Kazi hüccetinin resmi oldır ki yigirmi altı akçe alına yigirmisi kazının ve dördü naibin ve ikisi katibin ola ve ersm-i nikah dahi bakireden bu resmedir ve amma şeyyibe olsa resm yigirmi akçe alına on beşi kazının üçü naibin ve ikisi katibin ola ve dahi bir kimesne avretin boşayub yine alsa resm-i nikah on beş akçe alına on akçesi kazinin ve üçü naibin ve ikisi katibin ola ve resm-i itakname mevlası gani olsa elli akçe alına kırk akçesi kazının ve altı akçesi naibin ve dördü katibin ola ve eger mevlası fakir olsa resm kırk akçe alına otuzu kazıya bakisi kezalik naib ile katibe ola ve resm-i hüccet-i kitabet sa'ir hüc'ec gibidir ve resm-i mürasele sekiz akçedir beşi kaziya ve ikisi naibe ve biri katibe ola ve resm-i sicillat dahi sekiz akçedir bu üslub üzre taksim iderler ve resm-i suret-i sicillat on dört akçedir on akçesi kazıya ve üçü naibe ve birisi katibe ve resm-i nakl-i şehadet dahi yigirmi beşdir kezalik bu üslub üzerine teksim ideler." (1.Selim Kanunnameleri, Tirana ve Leningrad nüshaları,
1512-1520, TTK yayınları, 1995)
|