|
|
|
|
Yasa 12 Fasl-i der beyan-i asiyab fi-vilayet-i Anadolu "Bir degirmen yıl bi-t-tamam yürüse (Bursa) müddiyle bir müdd bugday ve bir müdd arpa kayd olunmuşidi 'haliyen re'âyâ tayifesine müzayaka olmasın diyü bir senede altmış akçe vaz' olundu ve altı ay yürüyen degirmenden otuz akçe ve ondan aşaga olandan bir ayda beş akçe hesabı üzerine vaz' olundu vilayet-i Karaman'da bu üslub üzerine kayd olundu ve Bolu sancagında kanun-i kadim üzerine yıl yürüyenden Bursa müddiyle bugdayı bir müdd ve bir müdd arpa alına diyü vaz' olundu ve altı ay yürüyene nısf-i zalik ve dahı bir tımarda hasıl kayd olunan degirmen harab olsa sahibine teklif oluna eger kudreti olmayub ma'mur idemese üzerine mukayyed olan rüsum sipahisine hükm idüb alıvireler eger rüsumını virmege ve ma'mur itmege kadir olmazsa kazı ma'rifetiyle ahara satdüreler ma'mur idüb rüsumın vire ve eger bir kimse satun alur bulunmasa satınca cebr idüb resmin buldurmıyalar ve dahı bir kimesne degirmen satsa müşteri yedinde bir ay ve iki aydan yıl tamam olsa resmin müşteriden alalar bayi'den almayalar ve dahı bir degirmenin suyu kat 'olsa battal kalsa ve ahar yerden su getürmege kabil olmasa anun gibiden resm alınmak hayfdır alınmaya. (1.Selim Kanunnameleri, Tirana ve Leningrad nüshaları,
1512-1520, TTK yayınları, 1995) |