|
|
|
|
Yasa 11 Fasl-i der beyân-i resm-i duhân "Bir kimesne ahar sipahinin tımarında mütemekkin olub kızın çıkarsa resm-i duhan a'la yirden tokuz akçe ve mutavassıt-ül-hal olandan altı ya da yedi fakir-ül-hal olandan haline göre yürükde dahi bu 'adet caridir ve piyade ve lüsellem kızları dahi sipahi tımarında çıksa resm-i duhan beş akçe alına ve ahar tımardan bir kimesne gelüb bir tımarda yurt idinüb kışlasa bagı ve bagçesi yog ise ve tımar sahibine 'öşr virmezse üç akçe resm-i duhan alına ve eger sahib-i tımara 'öşrden ve rüsumdan kalıl ve kesir nesne virse (resm-i) duhan alınmaz ve eger bir tımarda ahar sipahi mütemekkin olsa resm-i duhan alınmaz ve lakin kızı çıksa heman resm-i duhan beş akçe alına ve şehir halkından bir kimesne bir köyde sonradan gelüb mütemekkin olsa yer zira'at itsün gerek itmesün resm-i duhan alınmaz amma kızın çıkarsa resm/i duhan haline göre alına amma kura halkından ve yürükden ve gayrıden bir kimesne şehirden )şehre) gelüb mütemekkin olsa ve kızın çıkarsa resm-i duhan alınmak kanuna muhalifdir alınmaya." (1.Selim Kanunnameleri, Tirana ve Leningrad nüshaları,
1512-1520, TTK yayınları, 1995) |